Mkuu wa kitengo cha Vipaji na Uendelezaji wa Biashara kutoka ROCKSTAR4000,Christine “Seven” Mosha , akifafanua jambo mbele ya Wanahabari kwenye mkutano wao uliofanyika jijini Dar kuhusiana na Kundi la kipaji cha televisheni “Orijino Komedi” kuingia mkataba na Kampuni ya Nexus Consulting Agency kwa kushirikiana na Rockstar 4000.
Kundi la kipaji cha televisheni “Orijino Komedi” linaloongoza nchini kwa vipindi vyake kupitia television imeingia mkataba na Kampuni ya Nexus Consulting Agency kwa kushirikiana na Rockstar 4000. Mkataba huu unakuwa wa kwanza kwa wasanii wa luninga kupitia kampuni hii ya Nexus
Nexus imenunua haki zote za usimamizi wa biashara na uongozi wa kundi hilo ambalo linajulikana sana nchini kupitia vichekesho vyake kupitia vituo vya televisheni na matamasha mbali mbali ambapo
mkataba huu utakuwa ni kwa ajili ya kusimamia kipindi hiki cha vichekesho kinachoundwa na wachekeshaji saba wajulikanao kama; Joti, Maclegan, Masanja, Wakuvanga, Mpoki, Vengu na David Seki ambacho kimekuwepo hewani kwa mfululizo wa miaka sita.
Kushirikiana na Orijino Komedi ni kitu cha muhimu kwa Nexus kwani siku zote imekuwa ikitamani kufanya kazi kwa karibu na kundi hilo na kuthamini kazi zao kutokana na vipaji vya hali ya juu walivyokuwa wakionyesha wasanii wa kundi hilo; alisema Mkurugenzi mkuu wa Nexus, Bwana Bobby Bharwani.
“Nimefurahishwa sana kufanya kazi na watu wenye vipaji vya hali ya juu na kuiingia mkataba na Kampuni ya Nexus Agency. Kwa pamoja tumedhamiria kukuza na kubadilisha dhama ya vipaji na sanaa kutoka ilipo na kuwa ya kimataifa” alisema Christine “Seven” Mosha , Mkuu wa kitengo cha Vipaji na Uendelezaji wa Biashara kutoka ROCKSTAR4000.
Muandaji wa vipindi vya Orijino Komedi, Sekioni Davis ‘Seki’ amesema wanafuraha kuingia mkataba wa kazi na kampuni ya Nexus Agency na Rockstar 4000 Africa, mbapo ameahidi kufanya kazi kwa bidii kuhakikisha wanafikia malengo yao ya kukidhi haja ya soko.
Kwa kushirikiana na Rockstar 4000, nexus inatambua na kuthamini vipaji hivyo itahakikisha inaendeleza vipaji vya wasanii wa kundi hilo ili vipaji vyao viweze kufikia kiwango cha juu vya ufanisi ndani ya Afrika na kimataifa kwa ujumla.
Kwa habari zaidi kuhusu Originalkomedi tembelea:
Website: www.orijinokomedi.com
Facebook: facebook.com/orijinokomedi
YouTube: youtube.com/orijinokomedi
0 maoni:
Post a Comment