Diamond kuwapa ajira zaidi vijana

MSANII nyota wa muziki wa kizazi kipya nchini, Naseeb Abdul ‘Diamond’, amesema kutokana na kupata mafanikio kupitia muziki huo, ataendelea kutoa fursa za ajira kwa vijana. Akizungumza na MTANZANIA juzi, Diamond alisema hawezi kutumia mafanikio aliyopata kupitia muziki huo peke yake na badala yake ameamua kutanua wigo zaidi wa ajira kwa vijana nchini.

“Hapa nilipofikia ni kwa uwezo wa Mungu na vilevile napaswa kumshukuru kwa njia moja au nyingine, mpaka sasa nimeajiri vijana zaidi ya 30 na lengo langu ni kuzidi kuwasaidia vijana wenzangu, ili tufikie mafanikio katika maisha.

“Nina wapiga picha, wachezaji shoo, dereva, msaidizi wa nyumbani na ujio wa bendi yangu utawawezesha vijana wengi kupata ajira na kuwawezesha kumudu maisha yao ya kila siku,” alisema.

Kwa hisani ya Mtanzania